Менің ойымда кітап, мақала, шығарма жазу өте оңай сияқты көрінетін. Өз ойыңды реті келгенде жазып отырсаң болды, басқа түк те қиындық жоқ деп ойлайтынмын. Алайда оңбай қателесіппін. Ойыңды орынды-орынсыз жаза берсең жазғаныңның құндылығын кетіретін көрінеді. Бұл бір қыры. Жəне көзің көрген оқиғалардан ғибрат ала отырып оқырманға жеткізу тағы қиын. Қысқасы, бір нəрсе жазу оңай шаруа емес екен. Оның біз білетін де білмейтін де қиындықтары бастан асады

Енді өзіме келсем, қолыма қалам алып, сілкіндірген сезімдер мен толғантқан тебіреністерімді ақ қағазға түсірмес бұрын көп ойландым. Ондай қиындықтарға өзімді қиып жіберуге қорықтым да. Менікі біреуге ұнар, біреуге ұнамас. Біреулер сынар, біреулер сынамас. Бірақ Абай атамыз айтқандай "керегі жоқ десе, өз сөзім өзімдікі",- деген байламға келдім.